Qazaxıstan, Astana, 23 sentyabr / Trend , müxbir K.Konırova /
"KazMunayQaz" (KMQ) ARDNŞ ilə "KazTransQaz - Tbilisi" şəbəkəsi üçün qış dövründə qaz qiymətləri üzrə danışıqlar aparır, bu barədə jurnalistlərə KMQ MŞ SC-nin qaz layihələri üzrə direktoru Daniyar Berlibayev bildirib.
"Hazırda "KazTransQaz - Tbilisi" şəbəkəsi üçün qış dövründə qazın müqavilə işləri həyata keçirilir". Hazırda biz Azərbaycan Dövlət Neft Şirkəti ilə Tbilisi üçün qaz qiymətləri üzrə danışıqlar aparırıq", - Berlibayev bildirib.
O, konkret hansı qiymətdən söhbət getdiyini deməyib və bildirib ki, danşıqlar hələ davam edir. "Bu il Azərbaycan qazının orta qiyməti min kubmetr üçün təxminən 190 dollar təşkil edib. Məlum olduğu kimi, bütün satıcılar qiyməti artırmaq, alıcılar isə azaltmaq istəyirlər. Hazırda biz danışıq prosesindəyik və indi qiymətin azalıb və ya artacağı barədə danışmaq üçün çox tezdir, lakin bircə onu deyə bilərəm ki, ARDNŞ ilə müqavilə davam etdiriləcək", - o, qeyd edib.
Gürcüstan hökumətinin "KazTransQaz - Tbilisi" üzrə "KazTransQaz"a iddiaları varmı sulaına direktor belə cavab verib: "Bunlar iddia deyildi, hazırda danışıqlar təsərrüfat fəaliyyəti çərçivəsində aparılır".
"Bu aktivin satılmasına gəldikdə isə, KMQ-nın başçısı Kairqeldı Kabıldinin qeyd etdiyi kimi, təklif olarsa, onlara baxmağa hazırıq, lakin hazırda biz bu şirkətdə işimizi davam etdiririk", - o bildirib.
Məqalə müəliffi ilə əlaqə ünvanı: [email protected]
