Azərbaycan, Bakı, 05 yanvar / Trend , müxbir E.İsmayılov/
Yanvarın 4-də CIF liman Augusta şərtləri ilə Azərbaycanın yüngül neftinin qiyməti $81,23/barel təşkil edib. Bu barədə çərşənbə axşamı 1997-ci ildən xarici şirkətlərlə birlikdə yüngül neft hasil edən ARDNŞ-dən (Azərbaycan Respublikası Dövlət Neft Şirkəti) bildirilib.
Azeri Light neft növü Azərbaycanın "Azəri-Çıraq-Günəşli" yataqlar blokundan çıxarılır. Neft digər növlərlə qarışdırılmadan "Bakı-Tbilisi-Ceyhan" boru kəməri ilə Türkiyənin Ceyhan, dəmiryol ilə Gürcüstanın Batumi limanlarına çatdırılır. Bununla bərabər, Azeri Light nefti "Bakı-Supsa" neft kəməri vasitəsilə Supsa limanına nəql edilir.
ARDNŞ-dən bildiriblər ki, FOB Türkiyənin Ceyhan limanı şərtləri ilə Azərbaycanın yüngül neftinin qiyməti yanvarın 4-də $79,91/barel təşkil edib.
Azərbaycan neftin URALS növünü də Novorossiysk limanından satır. Buraya xammal "Bakı-Novorossiysk" boru kəməri ilə çatdırılır. Keyfiyyətli Azərbaycan nefti Rusiyanın boru kəmərləri şəbəkəsində digər növlərlə qarışdırılır və Novorossiysk limanında URALS adı ilə satılır. Bu növ, spesifikasiyasına görə, Azərbaycan neftindən keyfiyyət və qiymətcə aşağıdır
Novorossiysk limanından yüklənən URALS neftinin qiyməti yanvarın 4-də $76,6/barel təşkil edib.
Şimal dənizindən hasil edilən Brent Dated etalon növlü neftin qiyməti yanvarın 4-də $78,84/barel təşkil edib.
