Azərbaycan, Bakı, 27 yanvar / Trend /
ARDNŞ-nin (Azərbaycan Respublikası Dövlət Neft Şirkəti) "Azəriqaz" İstehsalat Birliyi təbii qazdan istifadə haqqının yığılması, sayğac göstəricilərinin dəqiqləşdirilməsi, yaranmış borclar üzrə istehlakçıların vaxtı-vaxtında məlumatlandırılması, eləcə də təbii qazdan qeyri-qanuni istifadə hallarının aşkar edilərək aradan qaldırılması məqsədi ilə təsis edilmiş "Azqazservis" MMC ilə müqavilə imzalayıb. Bu barədə ARDNŞ-nin çərşənbə günü yayılan məlumatında deyilir.
Məlumatda deyildiyi kimi, qaz təminatı sahəsində xidmət səviyyəsinin daha da yaxşılaşdırılması məqsədi ilə İB abonentlərdən xahiş edir ki, MMC-nin müvafiq vəsiqəsi olan və xüsusi geyimə malik işçilərinin həyət və mənzillərdəki, eləcə də müəssisə və obyektlərdəki mövcud qaz avadanlıqları, sayğaclar və qaz xətlərinə baxış keçirmələrinə şərait yaratsınlar.
