Azərbaycan, Bakı, 16 fevral / Trend /
ARDNŞ (Azərbaycan Respublikası Dövlət Neft Şirkəti) "Günəşli" yatağının dayaz hissəsindəki şirkət tərəfindən işlənilən quyunu əsaslı təmirdən sonra istismara verib. Bu barədə ARDNŞ-in məlumatında deyilir.
Hazırda "Günəşli -19" platformasında yerləşən quyudan sutkada təxminən 140 ton neft, 22,5 min kubmetr qaz hasil edilir.
Quyu 2003-cü ildə istismara verilib. İndiyədək bu quyudan 410 min ton neft, 84,5 milyon kubmetr qaz hasil edilib.