Azərbaycan, Bakı, 10 mart / Trend /
ARDNŞ "Xanlar-Balakən" 530 millimetrlik magistral qaz kəmərində qaz sızmasının aradan qaldırılması üzrə planlaşdırılan təmir işlərini həyata keçirir. Bu barədə çərşənbə axşamı ARDNŞ-nin "Azəriqaz" İB-dən məlumat veriblər.
İB-dən verilən məlumata əsasən, qaz sızmasının aradan qaldırılması üçün saat 10:00-dan 17:00-dək qaz kəməri vasitəsilə qaz nəqli dayandırılıb.
Hazırda Şəki, Oğuz, Qazax və Balakəndə qaz verilişi müvvəqqəti dayandırılıb. Təmir işləri başa çatdıqdan sonra tam həcmdə qaz verilişi bərpa ediləcək.
