Azərbaycan, Bakı, 22 iyul /Trend/
ARDNŞ (Dövlət Neft Şirkəti)Türkiyənin "Petkim" neft-kimya kompleksində öz payını artırmaq niyyətində deyil, - bu barədə ARDNŞ rəhbəri Rövnəq Abdullayev bildirib. Türkiyənin "Hürriyyət" qəzeti xəbər verir. ARDNŞ "Turcas Petrol/Injaz Projects" ilə alyansında kompleksin 51 faizlik səhm paketinə sahibdir.
"Bizim üçün səhmlərin 51 faizi tamamilə kifayətdir. Biz öz payımızı artırmağa hazırlaşmırıq", - Abdullayev deyib.
Onun sözlərinə görə, yaxın vaxtlarda "Əliağa-İzmir" neft emalı zavodunun inşasına başlanacaq.
R.Abdullayev Azərbaycan qazının "Şahdəniz" yatağından qazın nəqli istiqamətləri ilə bağlı bildirib ki, ""Şahdəniz" yatağının işlənməsi layihəsi bahalı layihədir. "Onun gəlirli olması üçün bu yataqdan qazın Avropaya satılması vacibdir. Bizim başlıca məqsədimiz bu qazı sərfəli qiymətə satmaqdır", - o deyib.
Onun sözlərinə görə, Türkiyədən "Şahdəniz" yatağından qazın tranzitinin qiymərtəri ilə bağlı danışıqlar 2011-ci martın 31-dək başa çatacaq.
