...

Yanvar-noyabrda ARDNŞ Azərbaycan əhalisinə 1,5 milyard kubmetr qaz tədarük edib

Energetika Materials 18 Dekabr 2010 13:56 (UTC +04:00)

Azərbaycan, Bakı, 18 dekabr /Trend/

Yanvar-noyabr aylarında ARDNŞ (Azərbaycan Respublikası Dövlət Neft Şirkəti) Azərbaycan əhalisinə 1,5 milyard kubmetrə yaxın qaz tədarük edib. Bu barədə şənbə günü ARDNŞ-dən məlumat verilib. Noyabrda şirkət tərəfindən əhaliyə 133,5 milyon kubmetr qaz verilib.

Ötən dövrdə şirkət tərəfindən sənaye müəssisələrinə 852,1 milyon, noyabrda isə 97,2 milyon kubmetr qaz tədarük olunub.

Yanvar-noyabrda kommunal büdcə müəssisələrinə 178,4 milyon, noyabrda isə 12,5 milyon kubmetr qaz verilib.

Eləcə də yanvar-noyabrda ARDNŞ tərəfindən Naxçıvan Muxtar Respublikası Dövlət Enerji Agentliyinə 111 milyon kubmetr qaz ötürülüb. Noyabrda bu göstərici 24,3 milyon kubmetr təşkil edib.

Ölkə daxilində bütün qaz əməliyyatlarını ARDNŞ-nin tərkibinə daxil olan "Azəriqaz" İB həyata keçirir.

Xəbər lenti

Xəbər lenti