Azərbaycan, Bakı, 13 iyul /Trend/
Cari ilin yanvar-iyun aylarında "Azərenerji" Açıq Səhmdar Cəmiyyətinə yanacaq qismində istifadə üçün 2 milyard kubmetrdən artıq qaz verilib. Ötən ilin analoji dövründə bu göstərici 1,9 milyard kubmetrdən çox olub. Trend-in məlumatına görə, bu barədə "Azərenerji"yə qaz tədarük edən ARDNŞ-nin (Azərbaycan Respublikası Dövlət Neft Şirkəti) məlumatında bildirilir.
İyunda "Azərenerji"yə 255,2 milyon kubmetr həcmində qaz verilib ki, ötən ilin analoji dövründə bu rəqəm 240 milyon kubmetr təşkil edib.
2010-cu ildə "Azərenerji"yə 2009-cu ildəki 4,32 milyarda qarşı 4 milyard kubmetrə yaxın qaz verilib. 2008-ci ildə bu göstərici 2007-ci ildəki 3,4 milyard kubmetrə qarşı 4,95 milyard kubmetr olub.