Azərbaycan, Bakı, 10 may / Trend, müxbirlər E.Tariverdiyeva, T.Cəfərov /
İran Xəzərdə iri neft yatağı aşkar edib. Trend-in məlumatına görə, bu barədə cümə axşamı MEHR agentliyi xəbər verib.
İlkin məlumata görə, yeni yataq 8-10 milyard barelə qədər neft ehtiyatlarına malikdir.
Məlumatda deyilir ki, bu faktla bağlı rəsmi bəyanat İranın neft naziri Rüstəm Qasimi tərəfindən bir qədər sonra veriləcək.
2011-ci ildə İran özünün Xəzərdəki sektorunda 50 trilyon kub futa yaxın ehtiyatlara malik qaz yatağı aşkar edib.
İran Xəzər dənizində ilk qazma platforması "Əmir Kəbir"i 2009-cu ildə işə salıb. Platforma "Sedra" şirkəti tərəfindən tikilib və iranlı mühəndislər tərəfindən hazırlanıb.