Azərbaycan, Bakı, 22 oktyabr /Trend, müxbir E.İsmayılov/
Yanvar-sentyabr aylarının yekunları üzrə Azərbaycan Respublikası Dövlət Neft Fondunun (ARDNF) investisiya portfelinin ümumi həcminin 51,12 faizi dollarda (16,9 milyard dollardan çox) cəmləşib. Trend-in məlumatına görə, bu barədə bazar ertəsi ARDNF-in yaydığı məlumatda deyilir.
Üçüncü rübün yekunları üzrə ARDNF-in investisiya portfelinin ümumi həcmi təqribən 33,07 milyard manat və ya aktivlərin ümumi həcminin 99,63 faizini təşkil edib.
Fondun investisiya portfelinin 39,84 faizi avroda (təqribən 10,19 milyard avro), 5,16 faizi Britaniya funt-sterlinqində (təqribən 1,05 milyard funt-sterlinq), 1,38 faizi türk lirəsində, 0,64 faizi Avstraliya dollarında cəmləşib. Portfelin qalan hissəsi qızılda toplanılıb.
2012-ci il oktyabrın 1-nə olan məlumata görə, ARDNF-in aktivləri bu ilin əvvəli (29,8 milyard dollar) ilə müqayisədə 11,4 faiz artaraq 33 192,4 milyon dollar təşkil edib.
