...

BP: 2013-cü ilin I yarısında AÇG-də təqribən 122 milyon barel neft hasil edilib

Energetika Materials 6 Avqust 2013 19:06 (UTC +04:00)

Azərbaycan, Bakı, 6 avqust /Trend, müxbir A.Bədəlova/

2013-cü ilin I yarısında Azərbaycanın "Azəri-Çıraq-Günəşli" dəniz yataqlar blokunda (AÇG) gündə orta hesabla 672 min barel (təqribən 122 milyon barel və ya ümumilikdə 16,4 milyon ton) neft hasil edilib.

Trend-in məlumatına görə, bu barədə BP şirkətinin cari ilin yanvar-iyun aylarında Azərbaycanda fəaliyyətinin yekunları üzrə rəsmi hesabatında deyilir.

Hasilat "Çıraq", "Mərkəzi Azəri", "Qərbi Azəri", "Şərqi Azəri" və "Dərinsulu Günəşli" platformalarında aparılıb.

AÇG-nin işlənməsi layihəsinin operatoru qismində çıxış edən BP-nin hesabatına əsasən, ilin I yarısında AÇG-də 72 hasilat quyusu və 31 injektor quyu istismarda olub.

"Çıraq" yatağında 17 quyu istismarda olub (12 hasilat və 5 suvurma quyusu) və yarım il ərzində oradan orta hesabla gündə 73 min barel neft hasil edilib.

"Mərkəzi Azəri" yatağında 21 quyu istismarda olub (15 hasilat, 5 qaz injektor və bir suvurma quyusu) və rüb ərzində oradan gündə orta hesabla 152 min barel hasilat əldə edilib.

"Qərbi Azəri" yatağında 23 quyu istismarda olub (18 hasilat və 5 suvurma quyusu) və birinci rüb ərzində oradan gündəlik orta hesabla 194 min barel neft hasilatı əldə edilib.

"Şərqi Azəri" yatağında 18 quyu istismarda olub (14 hasilat və 4 suvurma quyusu) və oradan ötən rüb gündəlik orta hesabla 118 min barel hasilat əldə edilib.

"Dərinsulu Günəşli" yatağında 24 quyu istismarda olub (13 hasilat və 11 suvurma quyusu) və rüb ərzində oradan gündəlik orta hesabla 135 min barel hasilat əldə edilib.

Məqalədə:
Xəbər lenti

Xəbər lenti