...

Azərbaycan qaz hasilatını təqribən 5 faiz artırıb

Energetika Materials 15 Avqust 2014 08:41
2014-cü ilin yanvar-iyul aylarında Azərbaycanda 24,92 milyon ton neft və qaz kondensatı hasil edilib ki, bu da ötən ilin eyni dövrü ilə müqayisədə 2,2 faiz azdır.
Azərbaycan qaz hasilatını təqribən 5 faiz artırıb

Trend-i buradan izləyin

Azərbaycan, Bakı, 14 avqust /Trend, müxbir Emil İsmayılov/

2014-cü ilin yanvar-iyul aylarında Azərbaycanda 24,92 milyon ton neft və qaz kondensatı hasil edilib ki, bu da ötən ilin eyni dövrü ilə müqayisədə 2,2 faiz azdır. Trend-in məlumatına görə, bu barədə Dövlət Statistika Komitəsinin 2014-cü ilin ilk 7 ayı üzrə hesabatında deyilir.

2013-cü ildə Azərbaycanda 43,1 milyon ton neft və qaz kondensatı hasil olunub. 2012-ci ildə bu rəqəm 42,98 milyon ton təşkil edib.

Neft hasilatının əsas həcmi "Azəri-Çıraq-Günəşli" neft-qaz yataqlar blokunun və xarici tərəfdaşlarla birlikdə işlənən "Şahdəniz" qaz-kondensat yatağının payına düşür.

Hesabata əsasən, cari ilin ilk 7 ayında ölkədə əmtəə qazın hasilatı 10,76 milyard kubmetr olub ki, bu da 2013-cü ilin müvafiq dövründən 4,6 faiz çoxdur.

2013-ci ildə qaz hasilatı 17,9 milyard kubmetr əmtəə qazı təşkil edib, 2012-ci ildə bu rəqəm 17,24 milyard kubmetr olub.

Məqalədə:
Xəbər lenti

Xəbər lenti