Azərbaycan, Bakı, 18 sentyabr /Trend, müxbir Emil İsmayılov/
Bolqarıstan Prezidenti Rosen Plevneliyevin sentyabrın 20-də ölkəmizə səfəri zamanı 2016-cı ildən Azərbaycan qazının Bolqarıstana tədarükü məsələsi müzakirə olunacaq. Bu barədə Trend Bolqarıstan KİV-ə istinadən məlumat verir.
Tədarük ediləcək qazın həcminin ildə 200-300 milyon kubmetr olacağı nəzərdə tutulur.
Bu payız qaz borusunun tikintisi haqqında yekun investisiya qərarının qəbul ediləcəyi gözlənilir. Yunanıstan və Bolqarıstan arasında qaz borusunun tikintisi 2016-cı ildə başa çatmalıdır.