PCH Offshore şirkətinin işi üzrə məhkəmə dinləmələri yenidən təxirə salınıb. Bu barədə Trend ə Azərbaycanın neft-qaz sənayesi işçilərinin respublika həmkarlar ittifaqı Komitəsində (NQSRHİK) bildirilib. Səbail rayon məhkəməsinin iddiaçı Vüsal Cəfərovun işi üzrə iclası martın 15-nə təyin edilmişdi.
"Həm Vüsal Cəfərovun iddiası, həm də Anar Bədəlovun müraciəti ilə bağlı işin dinlənilməsinin dəqiq tarixi yaxın günlərdə müəyyən ediləcək" -deyə komitədə qeyd olunub. İddiaçıların hüquqlarını Azər Quliyev müdafiə edir, o, Bos Shelf şirkətinin hüquqşünasıdır. İddiaçıların əsas tələbi onların əvvəlki iş yerlərinə bərpa edilməsidir. Bütün işlərin təşəbbüskarı, həmçinin işin bütün maliyyə tərəflərini həll edən komitədir.
Kentech şirkətinin keçmiş əməkdaşı Davud Qasımovun iddiası ilə bağlı məhkəmə iclası məsələsinə gəlincə, bildirilib ki, bu günlərdə hər iki tərəfin razılığı ilə iddia geri götürülüb.
"D.Qasımovun iddiasının səbəbi əmək haqqının qalan hissəsinin ödənməsi ilə bağlı idi" - deyə RK-də bildirilib.