2006-cı ildə Türkiyə "Şahdəniz" yatağından təxminən 400 mln. m3 Azərbaycan qazı alacaq. Lakin bu, son rəqəm deyil və hər şey layihənin gerçəkləşdirmə müddətindən asılıdır. Bu barədə, Trend agentliyinin məlumatına əsasən, Türkiyənin energetika və təbii sərvətlər naziri müavininin köməkçisi Salih Paşaoğlu bildirib.
"Biz boru kəmərinin 2006-cı ildə istismara veriləcəyini gözləyirik. Dəqiq ay hələ məlum deyil. Ehtimallara görə, kəmərin istismara verilməsi oktyabr ayından sonra baş tutacaq. 2007-ci ildə Türkiyənin alacağı qazın həcmi 2 mlrd.m3-ə çatacaq" - deyə o bildirib.
Onun sözlərinə görə, "Şah Dəniz" layihəsinin "1-ci mərhələsi" çərçivəsində Türkiyə həm öz tələbatını ödəmək, həm də Yunanıstan və İtaliyaya nəql etmək üçün Azərbaycana qazını almağı planlaşdırır. "Yunanıstan ildə 750 mln. m3 qaz almaqda maraqlı olduğunu bildirib. Sonra bu rəqəm 1 mlrd. m3-yə qədər artıb. Adriatik dəniz vasitəsilə kəmərin inşasından sonra qaz İtaliyaya ixrac olunacaq. Lakin ilkin mərhələdə biz qazı Yunanıstana göndərəcəyik. Bu, 2007-ci ildə olacaq"- deyə o bildirib.
Türkiyənin kəmərləri nəql olunan qazın həcmini xeyli artırmağa imkan verəcək. "Azərbaycanla ildə 6.6 mlrd. m3 qaz haqqında razılıq var, lakin Türkiyənin kəmərləri öz texniki parametrlərinə görə bu rəqəmi 20 mlrd.m3-ə qədər artırmağa imkan verir. Biz buna hazırıq. Əgər ehtiyac yaranarsa, əlavə kompressorlar quraşdırıla bilər" - deyə o qeyd edib.
S.Paşaoğlu deyib ki, Türkiyə Rusiya qazının Aralıq dənizi sahilinə nəqli məsələsinə müsbət yanaşır. "İstisna deyil ki, oarada qaz sıxılacaq və tankerlərə yüklənəcək" - deyə Türkiyə naziri əlavə edib.
"Rusiya qazının nəqli mümkün olmayan yerlərdə, Misir yanacağından yararlanacağıq. Misir NABUCCO layihəsi vasitəsilə Avropaya qaz nəql etməyi planlaşdıran konsorsium formalaşdırıb. Türkiyə Misirdən 2 mlrd. -10 mlrd.m3 qaz almağı planlaşdırır. Bunun 4 mlrd. m3-i Türkiyənin daxili ehtiyaclarına istifadə olunacaq, qalan hissəsi isə Avropaya göndəriləcək. 2007- 2008-ci ilin sonunda Misir qazının alışına başlanacaq" - deyə S.Paşaoğlu bildirib.
Enerji daşıyıcılarının qiymətinə gəldikdə, nazir deyib ki, Türkiyə əvvəlcədən imzalanmış razılığa əsasən Azərbaycan qazını rusiya qazı ilə müqayisədə daha sərfəli qiymətə alacaq.
"Bundan əlavə Türkiyə SCP kəmərilə Özbəkistan qazını da nəql etmək istərdi. Bu istiqamətdə konkret danaşıqlar aparılmayıb. Türməkistan qazının nəqli ilə bağlı saziş imzalanıb, lakin sonradan dondurulub. Biz həmin sazişi bərpa etmək istəyirik, lakin məsələ ilə bağlı konkret razılıq əldə olunmayıb" - deyə S.Paşaoğlu vurğulayıb.