...

ABƏŞ $500 mln-dan artıq mənfəət vergisi ödəyib

Energetika Materials 22 Avqust 2006 18:35 (UTC +04:00)

Trend-i buradan izləyin

Azərbaycan Maliyyə Nazirliyinin dəqiqləşdirilmiş məlumatına əsasən, 2006-cı ilin birinci yarısının yekunlarına görə, "Azəri-Çıraq-Günəşli" yataqlarının işlənməsi ilə məşğul olan Azərbaycan Beynəlxalq Əməliyyat Şirkəti dövlət büdcəsinə 2005-ci ildəki fəaliyyətinin yekunları üzrə daxilolmalar da nəzərə alınmaqla $513 mln mənfəət vergisi ödəyib. Bu barədə Trend ə Maliyyə Nazirliyindən məlumat verilib. Birinci rübdə BP tərəfindən daxilolmaların həcmi $80 mln, ikinci rübdə isə $130 mln təşkil edib.

"Azəri-Çıraq-Günəşli" yatağının dərinsulu hissəsinin işlənməsi ilə məşğul olan podratçı şirkətlər aprel ayından başlayaraq dövlət büdcəsinə mənfəət vergisi ödəməyə başlayıb və 2006-cı il aprelin 1-i üçün ümumi daxilolmaların həcmi 213,2 mln manat ($236,9 mln) təşkil edib. Bu vəsaitlərin 93,8 mln manatı ($104,2 mln) 2005-ci ildə fəaliyyətin yekunları üzrə daxilolmaların payına düşüb. 2006-cı ilin birinci yarısında isə bu göstərici 119,4 mln manat ($132,7 mln) təşkil edib.

Bu dövr ərzində BP dövlət büdcəsinə 128,7 mln manat ($143 mln.), Unocal/Kaspiy - 40,5 mln manat ($45 mln.), TPAO- 21,7 mln manat ($24 mln.), Inpex - 11,6 mln manat ($12,9 mln) və Statoil- 10,7 mln manat ($11,9 mln.) köçürüb.

2006-cı ildə podratçı şirkətlər tərəfindən daxilolmaların 600 mln manat ($667 mln) səviyyəsində olacağı gözlənilir.

Xəbər lenti

Xəbər lenti