2006-cı ilin yanvar-oktyabr aylarında ARDNŞ 123 383 metr həcmində qazma işləri həyata keçirib. Trend in xəbər verdiyi kimi, bu barədə ARDNŞ-dən məlumat verilib. Bu həcm proqnozdan 10 973 metr, ötən illə müqayisədə isə 8 498 metr çoxdur. Cari ilin oktyabrında yataqlarda 14 469 metr qazılıb.
Bu ilin 10 ayı ərzində istismar qazma işlərinin həcmi 121 468 metr təşkil edib. Bu, həmin dövrə olan proqnozdan 10 808 metr və ötən illə müqayisədə 7 944 metr çoxdur. Oktyabrda istismar qazma işlərinin həcmi 14 169 metrə bərabər olub.
Yanvar-oktyabr ayları ərzində kəşfiyyat qazma işlərinin həcmi 1 915 metr təşkil edib. Bu göstərici proqnozdan 165 metr və ötən illə müqayisədə 554 metr çoxdur. Oktyabrda 300 metr həcmində kəşfiyyat qazma işləri həyata keçirilib.
