Azərbaycan Dövlət Neft Şirkəti (ARDNŞ) gələn il Gürcüstanın Qara dəniz Batumi limanından mənfəət neftinin ilk tanker partiyasının satışı üçün tender elan edib. ARDNŞ-dən Trend ə verilən xəbərə görə, tender 600 min barel neftin göndərilməsi üçün elan olunub. Yüklənmə 2007-ci il yanvarın 2-dən 6-dək həyata keçiriləcək. Tender dekabrın 7-də yekunlaşdırılacaq.
Batumi neft terminalı ildə 15 mln. tona qədər neft yükü daşımağa qadirdir. Aframax sinifli gəmilər üçün daşınan buy da daxil olmaqla, terminal dörd körpüdə 30-90 min ton dedveytli tankerlərə xidmət edir. Hazırda terminalın çən parkının gücü təxminən 530 min tondur, bu isə dəhlizdən keçən cari və proqnozlaşdırılan həcmlərin daşınması üçün kifayətdir.