Azərbaycan Dövlət Neft Şirkətindən Trend ə verilən məlumata əsasən, 2007-ci ilin yanvarında Azərbaycan Beynəlxalq Əməliyyat Şirkəti Cənubi Qafqaz ixrac qaz kəmərində işin yerinə yetirilməsi üçün 0,03 milyon m3 qaz hasil edərək ötürüb. 9 ay ərzində (qazın ötürülməsi 2006-cı ilin mayından başlanılıb) 67,31 milyon kub metr qaz ötürülüb.
Cənubi Qafqaz boru kəmərinə Səngəçal terminalından ötürücü-qəbuledci sınaq üçün qaz 2006-cı il mayın 21-də ötürülüb. Bütün ixrac sisteminin "Şahdəniz" - Cənubi Qafqaz boru kəməri, "Şahdəniz" platformasından Səngəçal terminalına və Gürcüstan-Türkiyə sərhədinə qədər ötürücü-qəbuledci sınaqlar üçün təqribən 0,1 milyard kub metr qaz tələb olunacaq. Sınaqlar üçün "Azəri"-"Çıraq"- "Günəşli" yatağından hasil olunan ADNŞ-nin eyni istiqamətli qazı istifadə olunur.
