Azərbaycan, Bakı/ Trend müxbir İ.Xəlilova/ Yaxın bir il ərzində istehlakçıların 100% sayğacla təmin olunması şəraitində, istehllakın strukturu dəqiqləşdiriləcək. Azərbaycan hökuməti elektrik enerjisinə yeni tariflərin tətbiq olunması imkanlarını nəzərdən keçirmək niyyətindədir. Bu barədə çərşənbə axşamı hökumətdən bildirilib. Yeni tariflərinin tətbiqini əsaslandırmaq məqsədilə enerji sisteminin yük qrafikinin analizinin aparılması planlaşdırılır.
Azərbaycan enerji sisteminin 2005-ci il üzrə gündəlik yük qrafikinin təhlili göstərir ki, gecə saatlarındakı minimum yüklə axşam saatlarındakı minimum yükün səviyyəsi arasındakı nisbət 1,8-1,9 dəfədir. Oxşar halı qış ayları ilə yay ayları ərzində enerji sisteminin yükünün dəyişməsində də görmək olar. Hökumət yük qrafiklərinin gün ərzində və ilin mövsümləri ərzində dəyişməsinin dinamikasını xüsusi metodlarla təhlil etməklə yük qrafikini 3 oxlu koordinat sistemində qurmağı təklif edir. Bununla yanaşı, hər ayın son gününün 24 saatı ərzində yüklərin dəyişməsini bir-birindən 5% səviyyəsindən daha az xəta ilə fərqlənən və bir - birinə yaxın səviyyəli yük qrafiklərinə transfer etmək mümkündür.
Yeni tariflərin mövsüm ərzində və gün ərzində dəyişən tariflərin tətbiqi vasitəsilə pik güclərinə olan tələbatı tənzimləmək mümkün olacaq. Gün ərzində və mövsüm ərzində dəyişən tariflərin tətbiq olunması vasitəsilə yüklərin dəyişmə dinamikasının yerləşdirilməsi mümkündür.
Yüklərin səviyyələri arasındakı fərqlərin azaldılması isə öz növbəsində mövcud generasiya güclərindən istifadə əmsalının artması, yanacaq sərfinin azalması, pik güclərini təmin etmək üçün yeni stansiyaların inşasına ehtiyacın yaranmaması, istehlakın strukturunun optimallaşdırılmasına gətirib çıxaracaq. Bu problemlərin həlli və mövsüm ərzində dəyişən tariflərin səviyyəsinin müəyyənləşdirilməsi üçün yaxın zamanlarda Tarif Şurasına tövsiyələr veriləcək.