Azərbaycan, Bakı/ Trend müxbir S.Əliyev/ Yunanıstanın inkişaf naziri Dimitris Sioufas bildirib ki, bu həftə İtaliya, Türkiyə və Yunanıstan 2011-ci ildən qazın Mərkəzi Asiyadan Avropaya ixracı üçün qaz kəmərinin çəkilməsi barədə razılaşma imzalamağı planlaşdırırlar. Bu barədə AP məlumat yayıb.
Onun sözlərinə görə, razılaşma imzalanması üçün o, Romaya səfər edəcək.
"Bu layihə bizim ölkənin güclü energetika siyasətini nümayiş etdirir",-deyə nazir bildirib.
Kəmərin Yunanıstan və İtaliya arasındakı 212 km-lik hissəsi suyun altında olacaq. Sistemlə ildə Yunanıstana 11,5 mlrd. kubmetr qaz ixrac olunacaq ki, bunun da böyük hissəsi yenidən ixracın payına düşəcək.
Bu kəmər vasitəsilə Azərbaycanın "Şahdəniz" yatağından Cənubi Qafqaz qaz kəməri ilə Türkiyəyə tədarük olunan qaz da ixrac oluna bilər.
Bu kəmərin illik nəql gücü ildə 20 mlrd. kubmetr təşkil edəcək.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
