Azərbaycan, Bakı / Trend müxbir S.Babaeyva/ İlin əvvəlindən Azərbaycanın rabitə və informasiya texnologiyaları sahəsində dövlət investisiyaları 23 mln. manata yaxın təşkil edib ki, bu da 2006-ci ilin analoji dövr göstəricisindən 4,2 mln. manat azdır.
Cümə günü Rabitə və İnformasiya Texnologiyaları Nazirliyindən (RİTN) verilən məlumata görə, investisiyalar rabitə xətlərinin yenidən qurulmasına, beynəlxalq fibrooptik magistralların tikintisinə istiqamətləndirilb.
Bu dövr ərzində "Aztelekom" İB (Nazirliyin tərkibinə daxildir) - 13 mln. manat, "Baktelekom" İB - 5,6 mln. manat, "Teleradio" İB - 454,1 min. manat, "Azərpoçt" DM - 2,3 mln. manat kapital yatırıb.
2007-ci ildə RİTN informasiya texnologiyaları sahəsinə 2006-cı ilin 42 mln. manatı ilə müqayisədə 29 mln. manat kapital qoymağı planlaşdırır.
