Azərbaycan, Bakı, 22 oktyabr/ Trend , müxbir S.Babayeva/ Azərbaycanın Rabitə və İnformasiya Texnologiyaları Nazirliyinin Dövlət Radiotezliklər İdarəsi (DRİ) respublikaya idxal edilən tezlik - şüa radioelektron vasitələrin parametrlərinin yoxlanılması üçün laboratoriya yaradacaq, - DRİ - nin rəhbəri Əflatun Məmmədov çərşənbə günü bildirib.
"Ölkədə radioelektron vasitələrin yoxlanılması üçün avadanlıqların olmaması ilə əlaqədar, belə növ mərkəzin yaradılması zəruridir", - Məmmədov bildirib.
DRİ rəhbərinin sözlərinə görə, bu, bütün elektron vasitələrin qeydiyyatını, ölkəyə gətirilən elektrik avadanlığının keyfiyyətinin, onların beynəlxalq standartlara uyğunluğunun yoxlanılmasını həyata keçirəcək müasir laboratoriya olacaq.
Məmmədov bildirib ki, layihənin dəyəri hələ müəyyən edilməyib.
Azərbaycanın Dövlət Radiotezliklər İdarəsi respublika ərazisində bütün müəssisələr, təşkilatlar və dövlət orqanlarının rabitə tezliklərinin paylanılması, istismarı və nəzarət ilə məşğul olur.
Müəlliflə əlaqə saxlamaq üçün elektron ünvan: [email protected]
