Azərbaycan, Bakı, 05 noyabr / Trend , müxbir H.Vəliyev/
Azərbaycanın "Ultra" şirkəti İqtisadi İnkişaf Nazirliyində elektron imza və sənəd dövriyyəsinin elektron infrastrukturlarının yaradılmasına dair layihəni başa çatdırır. Bu barədə cümə axşamı şirkətin layihə üzrə meneceri Anar Məmmədov bildirib.
"Sistem nazirlikdə yanvarın 10-dan etibarən işləməyə başlayacaq", - Məmmədov deyib.
Nazirliyin keçirdiyi tenderin qalibi olan "Ultra" şirkəti Megapolis.DocNet sisteminin tətbiqi ilə məşğuldur. Megapolis.DocNet-in əsasını Microsoft texnologiyaları təşkil edir.
İlkin mərhələdə "Elektron sənəd dövriyyəsi", "Kadrların idarə edilməsi" və "Vətəndaşların müraciətinə baxılma" modullarının tətbiqi nəzərdə tutulur. "Elektron sənəd dövriyyəsi" müvafiq sənədlərin hazırlanmasının və yayılmasının daha operativ həyata keçirilməsinə, həmçinin insan resurslarından və kağız daşıyıcılarından istifadəni azaltmağa imkan verir.
"Vətəndaşların müraciətinə baxılması" modulu vətəndaşların suallarına daha operativ cavab verməyə və bu prosesi daha şəffaf etməyə imkan verir, "Kadrların idarə edilməsi" modulu isə kadrların peşəkar səviyyəsini artırır.
İkinci mərhələdə yeni modulların əlavə edilməsi yolunda sistemin imkanlarının genişləndirilməsi nəzərdə tutulub. Elektron idarəetmə sisteminin perspektivləri nazirliyin tabeliyində olan bütün strukturlarda yayılacaq.
Məqalə müəllifi ilə əlaqə ünvanı: [email protected]
