Azərbaycan, Bakı, 10 noyabr / Trend , müxbir H.Vəliyev/
Azərbaycanda mobil rabitə abonentlərinin sayı 2013-cü ilin sonuna kimi 7,6 milyon nəfərə çatacaq. Bu barədə ölkə parlamentində müzakirəyə qoyulmuş 2010-cu il Azərbaycan dövlət büdcəsi layihəsində deyilir.
Proqnoza görə, ilin sonunadək əsas telefon aparatlarının sayı 1,39 milyonu keçəcək. 2010-cu ildə bu göstəricinin 1,5 milyona qədər artacağı, 2013-cü ildə isə əsas telefon aparatlarının sayının 1,8 milyon ədədə çatacağı proqnozlaşdırılır.
Dövlət büdcəsi layihəsində həmçinin stasionar rabitənin yayılma dərəcəsinin artması barədə deyilir. Proqnoza görə, 2010-cu ilin sonunadək 100 nəfərə 17 ədəd telefon aparatı düşəcək, 2013-cü ildə isə bu göstərici 19,8 ədəd olacaq.
Məqalə müəllifi ilə əlaqə ünvanı: [email protected]