...

Azərbaycanın internet-servis provayderi simsiz xidmətdən istifadəyə görə tarifləri endirib

Telekommunikasiya Materials 15 Sentyabr 2010 15:53 (UTC +04:00)

Trend-i buradan izləyin

Azərbaycan, Bakı, 15 sentyabr /Trend, müxbir H.Vəliyev/

Azərbaycanın internet-servis provayderi "Elcell" şirkəti internet şəbəkəsinə daxil olmaq üçün simsiz xidmətdən istifadəyə görə tarifləri endirdiyini elan edib. Bu barədə şirkətin məlumatında deyiilir.

Şirkət tariflərin azaldılması ilə yanaşı, bütün tarif paketlərində əvvəlcədən ödənilən trafikin həcmini də bir neçə dəfə artırıb.

Qoşulma növündən asılı olaraq internet şəbəkəsinə daxil olmağın dəyəri 9 manatdan 85 manat arasında dəyişir. Limitdən artıq qiymətin müəyyən edilməsi də seçilən tarfik paketindən asılı olaraq 0,03 manatdan 0,01 manatadək dəyişir.

Dəyəri 33 və 85 manat olan tarif planlarına saat 02:00-dan 09:00-dək limitsiz pulsuz trafik daxildir.

Müddəti 12 ay olan yeni tarif planlarına qoşularkən abonent "Elcell"dən USB modemi pulsuz alır.

"Elcell" şirkəti "iBurst" texnologiyası üzrə internetdən simsiz istifadəni təklif edir. Qlobal şəbəkəyə qoşulma PCMCIA (Personal Computer Memory Card International Association) kartları və masaüstü fərdi kompüterlər üçün xüsusi modemlər vasitəsilə təqdim edilir.

"Elcell"in şəbəkəsi "Arraycomm" (ABŞ) şirkətinin "iBurst" texnologiyası əsasında yaradılıb. Onun əsas üstünlüyü mobillik, eləcə də yüksəksürətli trafikin ötürülməsi və VPN-birləşmələrin yaradılmasından ibarətdir.

İndi şirkətin şəbəkəsindən istfadə Bakı və Abşeron ərazilərini əhatə edir. Cari ilin fevralından etibarən "Elcell"in simsiz internetdən istifadə üzrə şəbəkəsi Gəncə şəhəri ərazisində tətbiq olunur.

Hazırda şirkət Bakı yaxınlığında servisin keyfiyyətinin yaxşılaşdırılması üzrə işlər aparılır və yaxın vaxtlarda Xırdalan və Sumqayıtda şəbəkənin kommersiya istismarına verilməsi planlaşdırılıb.

2011-ci ildə "Elcell"in şəbəkəsi Azərbaycanın bütün böyük şəhərlərini əhatə edəcək.

Xəbər lenti

Xəbər lenti