Azərbaycan, Bakı, 8 oktyabr /Trend, müxbir H.Vəliyev/
"Nokia" Korporasiyası Azərbaycanda nümayəndəliyinin açılması ilə bağı işləri başa çatdırır. Bu barədə Trend-ə cümə günü "Mobitel" şirkətindən ("Nokia" şirkətinin Azərbaycandakı rəsmi distribüteri) bildiriblər.
Məlumata əsasən, artıq nümayəndəliyin ofisinin yerləşəcəyi yer seçilib və hüquqi-texniki xarakterli məsələlər həll edilməkdədir. Ofisin açılışına hazırlıq oktyabrın sonunadək başa çatacaq.
"Nokia"nın Azərbaycandakı nümayəndəliyinin əsas fəaliyyəti məhsulun satışı və logistikası, eləcə də mövqelərin möhkəmlənməsi və uzunmüddətli inkişaf planlarının həyata keçirilməsi, Azərbaycan bazarında məhsul və qərarların irəliləməsi ilə bağlı məsələlər olacaq.
Şirkət yeni ofisi açmaqla tərəfdaşlarına daha yaxın olmaq niyyətindədir ki, bu da istehlakçıların üstünlük verdikləri məhsullara qarşı dəyişikliklərə operativ reaksiya verməyə imkan verəcək.
Ofisin açılmasında mühüm rolu ölkədə mobil rabitənin nüfuz səviyyəsinin göstəricisi oynayıb. Bundan əvvəl Trend-ə "Nokia" şirkətinin cənubi MDB ölkələrində marketinq üzrə direktoru Ruslan Beisovun dediyinə görə, Azərbaycan "Nokia" şirkəti üçün mobil telefon bazarının inamla artdığı Mərkəzi Asiya və Qafqaz regionunda əhəmiyyəti baxımından ikinci ölkədir.
Azərbaycan Rabitə və İnformasiya Texnologiyaları Nazirliyinin rəsmi göstəricilərinə görə, GSM-operatorların abonent bazası altı ayın yekununa əsasən 742 880 abonent artaraq, 8,5 milyon abonent təşkil edib. Azərbaycanda mobil rabitənin nüfuz səviyyəsi 94 faizə çatıb. Nazirliyin proqnozlarına əsasən, 100 faizlik səviyyəyə ilin sonunadək çatmaq mümkün olacaq.
"Nokia" şirkətinin Azərbaycan istehlakçıları üçün həyata keçirdiyi layihələrdən biri tamfunksional naviqasiya kartının hazırlanmasıdır. İndi Azərbaycanın naviqasiya kartı yalnız əsas magistral yolların və yaşayış məntəqələrinin göstərilməsi ilə fraqmentli şəkildə hazırlanıb.
Üçüncü rübdə "Nokia" Qazaxıstan üçün naviqasiya kartını rəsmi olaraq işə salacaq, bundan sonra isə şirkət Azərbaycan üçün tamfunksional naviqasiya kartının hazırlanması layihəsinin həyata keçirilməsi ilə məşğul olacaq.
