Azərbaycan, Bakı, 14 mart /Trend, müxbir H.Vəliyev/
Yanvarda Azərbaycana 573,3 milyon dollar məbləğində 10 mindən çox mobil telefon idxal edilib. Bu barədə bazar ertəsi Dövlət Statistika Komitəsinin məlumatında deyilir.
2010-cu ilin analoji dövrü ilə müqayisədə Azərbaycana mobil telefonların idxalı 4,6 dəfə, pul vahidində isə 5,1 dəfə artıb.
Ötən il ölkəyə dəyəri 7,1 milyon dollardan çox 107,8 min ədəd mobil telefon gətirilib ki, bu da 2009-cu ilin analoji dövr göstəricisi ilə müqayisədə 40,2 faiz azdır (pul vahidində 25,2 faiz az).
2011-ci ilin yanvarında ölkəyə 310,4 min dollar məbləğində 734 ədəd televiziya qəbuledicisi idxal edilib. Ötən ilin analoji dövrü ilə müqayisədə televiziya qəbuledicilərinin idxal həcmi 43,4 faiz, pul vahidində isə 92,8 faiz artıb.
2010-cu ilin yekunları üzrə ölkəyə ümumi məbləği 3,75 milyon dollar olan 13 827 televiziya qəbuledicisi gətirilib ki, bu da 2009-cu ilin analoji dövr göstəricisi ilə müqayisədə 77,8 faiz (pul vahidində 70,8 faiz) çoxdur.
