Azərbaycan, Bakı, 31 mart /Trend, müxbir H.Vəliyev/
Bakıda "Korporativ təhlükəsizliyin yeni səviyyəsi: Blue Coat və "Kasperski Laboratoriyası"nın inteqrasiyası" mövzusunda ixtisaslaşdırılmış seminar keçiriləcək. Bu barədə "Headtechnology Azerbaijan" şirkətinin cümə axşamı yaydığı məlumatda deyilir.
Seminar aprelin 20-də "Headtechnology Azerbaijan" şirkətinin təşəbbüsü ilə keçiriləcək.
Tədbir çərçivəsində Veb-təhlükəsizliyinə kompleks yanaşma, müasir proksi-serverlərin tələbləri, Blue Coat və "Kasperski Laboratoriyası" məhsullarının inteqrasiyası məsələlərinə baxılacaq. Eləcə də 2011-ci ilin istiqamətləri nəzərə alınmaqla informasiya təhlükəsizliyinin əsas problemlərinin icmalı aparılacaq.
Blue Coat və "Kasperski Laboratoriyası" mütəxəssisləri aktual problemlərə öz baxışlarını təqdim edəcəklər. Onlar proksi-serverlərin tələblərin təkamülündən, korporativ Veb-təhlükəsizliyi və İnternetə çıxış siyasətinin tətbiqi, VEB-filtrasiya və trafik üzərində nəzarət, şəbəkə həllərin işinin sürətləndirilməsi, axın media-kontenti və DLP poçtları haqqında danışacaqlar.
Azərbaycanda informasiya təhlükəsizliyi bazarındakı yeniliklər də təqdim olunacaq.