Azərbaycan, Bakı, 20 avqust /Trend, müxbir Hüseyn Vəliyev/
Rabitə və Yüksək Texnologiyalar Nazirliyinin "Bakı Telefon Rabitəsi" İstehsalat Birliyinin (İB) şəbəkəsində genişzolaqlı qoşulmaların sayı ilin əvvəlindən təqribən iki dəfə artıb. Bunu çərşənbə günü Trend-ə İB-dən deyiblər.
İB-dən qeyd ediblər ki, 2014-cü il avqustun 1-nə olan vəziyyətə görə, özəl servis provayderlərinin portları nəzərə alınmaqla qoşulmaların ümumi sayı 400 minə çatıb, onlardan yarısı "BakinterNet" dövlət provayderinin istifadəçiləridir.