Azərbaycan, Bakı, 8 iyun /Trend/
Türkiyə Böyük Millət Məclisinə keçirilən seçkilər "Azerspace-1" peykinin resurslarından istifadə olunaraq yayımlanıb.
"Azərkosmos" ASC-dən Trend-ə verilən məlumata görə, iyunun 7-də Türkiyədə yerli və xarici, o cümlədən beynəlxalq təşkilatları təmsil edən müşahidəçilər və media mənsubları tərəfindən izlənilən parlament seçkiləri günboyu "Azerspace-1" peykinin resurslarından istifadə olunmaqla canlı yayımlanıb.
"Azerspace-1" peykinin resurslarından istifadə edən Türkiyənin ən aparıcı kanalları seçkilərin keçirildiyi müddətdə fasiləsiz və tam keyfiyyətli yayım əldə etdiklərini bildiriblər.