...

RABİTƏ NAZİRLİYİ CƏBHƏ XƏTTİNDƏKİ ZONALARDA RABİTƏNİ ELEKTRONLAŞDIRIR

Telekommunikasiya Materials 15 Avqust 2005 16:36 (UTC +04:00)

Rabitə və İnformasiya Texnologiyaları Nazirliyi Azərbaycanın cəbhə xəttindəki zonalarında rabitənin elektronlaşdırılması üzrə işlər həyata keçirəcək.

Rabitə Nazirliyinin mətbuat xidmətində Trend ə bildirildiyi kimi, bu məqsədlə dövlət strukturu tərəfindən xüsusi tədbirlər planı hazırlanıb. Plan üzrə işlər Ağcabədi, Beyləqan və Fizuli rayonlarının kəndlərində həyata keçiriləcək.

Dövlət strukturunda onu da qeyd ediblər ki, Ağcabədidə koordinat tipli 23 ATS-i fəaliyyət göstərir və onlar elektronlaşdırılacaq. Bundan başqa, yeni elektron telefon nömrələrinin istismara verilməsi, mərkəzi rayon ATS-nin Trans-Asiya-Avropa (TAA) fibro-optik magistralına qoşulması planlaşdırılır.

"Balabəhmənli kəndində quraşdırılacaq yeni EATS rayonda telekommunikasiya qovşağı rolunu oynayacaq", - deyə Nazirlikdə bildirilib. Bu tədbirlər 2004-2008-ci illərdə regionların sosial-iqtisadi inkişafına dair dövlət proqramına uyğun olaraq həyata keçiriləcək.

Xəbər lenti

Xəbər lenti