Azərbaycanın bir sıra regionlarında Western Union poçt pul köçürmələri sistemi tətbiq edilib. Azərpoct DM-də Trend ə bildirilib ki, bu regionlar Bərdə, Daşkəsən, Gəncə, Goranboy, Xanlar, Mingəçevir, Naftalan, Samux, Şəmkir, Tərtər və Yevlaxdır.
Ağstafa, Şəki, Tovuz və digər rayonlar 2006-cı ilin ilk yarımili ərzində bu sistemə qoşulacaq. Ümumilikdə bu xidmətin Azərbaycanın 50 rayonunda tətbiqi planlaşdırılır.
"Hazırda dövlət müəssisəsinin 17 filialı Western Union sisteminin xidmətini göstərir"-deyə DM-də bildirilib.
DM-də vurğulanıb ki, bu xidmətlər paytaxtın 10 poçt şöbəsində - mərkəzi poçt şöbəsi, №1, № 6, № 73, №2, №118, №63, № 83, № 44 və № 45 şöbələrdə göstərilir.
Parabank KB və Azərpoct DM arasında həmin sistemin tətbiqi ilə bağlı imzalanmış sazişə əsasən ilk dəfə köçürmələr oktyabrın 10-da 1 saylı poçt şöbəsində və oktyabrın 11-də 118 saylı poçt şöbəsində gerçəkləşdirilib.
Eyni zamanda DM Travelex Group ilə analoji saziş imzalayıb və sazişə əsasən sistemin ilk olaraq paytaxtın bütün poçt şöbələrində, sonra isə regionlarda tətbiqi planlaşdırılır.
