Aztelekom İB iştirakçı təkliflərinin olmaması səbəbindən daxili və şəbəkə xətləri stansiyasının tikintisi üzrə tenderin müddətini uzadıb. Tender Şamaxının mərkəzi və kənd yaşayış məntəqələrində NGN (Next Generation Network) pilot şəbəkəsinin yaradılması layihəsi çərçivəsində həyata keçirilir. Bu barədə İB-nin məlumatına istinadən Trend xəbər verir.
Aztelekom Azərbaycanın Rabitə və İnformasiya Texnologiyaları Nazirliyitnin təkibinə daxildir.
Tenderlə maraqlananlar birinci lot üzrə 2 min manat (birləşdirici xətlərin tikintsi) və ikinci lot üzrə 2,5 min manat (daxili şəbəkə xətlərinin tikintisi) ödəməlidir.
Tender təklifləri paketi martın 15-nə qədər qəbul olunacaq. Paketin elan olunması martın 16-da Şamaxıda telekommunikasiya qovşağı binasında keçiriləcək.
Şamaxıdan sonra rabitə nazirliyi analoji şəbəkəni Abşeron, Sumqayıt və Gəncədə yaratmağı planlaşdırır.
Bakıda bu texnologiya ilk dəfə 2006-cı ildə Çinin Huawei şirkətindən alınmış avadanlığın hesabına Baktelekom-un abunəçilərinə təqdim olunub.
NGN (növbəti nəslin şəbəkəsi) paketlərin kommutasiyasının istifadə olunması ilə danışığın, görüntülərin verilməsi üçün nəzərdə tutulmuş universal çoxşaxəli şəbəkədir.
