Azərbaycan,Bakı/müxbir Trend S.Babayeva/Thomas International konsaltinq şirkəti IT Universiteti mütəxəssisləri üçün kurslar keçirmək niyyətindədir. IT Universitetinin Azərbaycanın regional innovasiya zonası çərçivəsində yaradılması planlaşdırılır. Bu barədə Azərbaycanın rabitə və informasiya texnologiyaları naziri Əli Abbasovla görüşdə bildirilib.
Regional innovasiya zonası çərçivəsində kiçik və orta innovasiya sahibkarlığının inkişafı üçün texnoparkların, elektron avadanlıq və proqram təminatının istehsalat və ixracat üzrə regional bazanın yaradılması, ölkənin gəlirli tranzit informasiya mərkəzinə çevrilməsi (Data Centre), formalaşdırılan informasiya cəmiyyəti üçün insan resurslarının hazırlanması və inkişafı, digər sahələrdə IT-in tətbiqi nəzərdə tutulub.
Digital Opportunity Trust (DOT) Rabitə Nazirliyi, QHT və özəl şirkətlərlə birgə layihələr üçün təşəbbüs irəli sürüb.
