Azərbaycan, Bakı, 10 iyul /Trend, müxbir A.Axundov/
Azərbaycan Məcburi Köçkünlərin Sosial İnkişaf Fondu ölkədə məcburi köçkün icmalarının elektrik təchizatı üzrə mikrolayihələrdə iştirak məqsədilə tender elan edib. Trend-in məlumatına görə, bu barədə çərşənbə axşamı Fondun rəsmi mətbuatda dərc edilən məlumatında deyilir.
Tender Dünya Bankının (DB) Azərbaycanda məcburi köçkünlərin həyat şəraitinin və gəlirlərinin yaxşılaşdırılması üzrə layihəsi çərçivəsində elan edilib və Beyləqan rayonunun Mil qəsəbəsi, Goranboy rayonunun Ergəc və Mənəşli kəndləri ərazisində məskunlaşmış məcburi köçkünlər üçün elektrik təchizatı şəbəkəsinin bərpasını nəzərdə tutur.
Tender təklifləri 10 avqust 2012-ci il, saat 16:00-dək Fonda təqdim olunmalıdır.