Bazar ertəsi İraqın əl-Fəlluca şəhərində avtomobilin partlaması nəticəsində ən azı yeddi nəfər həlak olub. Bu barədə "Sinxua" agentliyi məlumat yayıb.
Partlayış Qərbi Ənbər əyalətində İraq ordusunun məntəqəsi yaxınlığında baş verib.
Martın 7-də keçirilmiş Parlament seçkiləri üzrə səslərin hesablanması fonunda İraqda təhlükəsizliklə bağlı vəziyyət gərgin olaraq qalır.
İlkin hesablamalara görə, hazırkı Baş nazir Nuri əl-Malikinin rəhbərlik etdiri İslam Çağırışı Partiyası Bağdadda və şiələrin olduğu məntəqələrdə səs çoxluğu qazanıb. Seçkilərin yekun nəticələri ayın sonunda məlum olacaq.