Türkiyə, Kilis, 30 aprel / Trend, xüsusi müxbir R.Hafizoğlu /
Suriyanın silahlı müxalifətini nə Türkiyə, nə heç bir ərəb ölkəsi silahla dəstəkləmir. Bu barədə Trend-ə adının açıqlanmasını istəməyən suriyalı müxalifətçilərdən biri deyib.
Onun sözlərinə görə, "Azad Suriya Ordusu" malik olduğu bütün silahları hökumət qoşunlarından alır.
"Bizim üçün əsas silah mənbəyi onu bizə satan Suriya ordusudur" - müxalifətçi deyib.
Hazırda Suriyada müxalifətin silahlı qanadı olan "Azad Suriya Ordusu" ilə hökumət qoşunları arasında BMT-nin və ƏDL-in xüsusi nümayəndəsi Kofi Annanın planı çərçivəsində atəşkəs mövcuddur.