Azərbaycan, Bakı, 23 yanvar /Trend/
Gənclərin işsizliyi ilə bağlı MDB ölkələri arasında ən mürəkkəb vəziyyət Ermənistandadır. Trend-in "Mediamaks"a istinadən verdiyi məlumata görə, bu barədə Beynəlxalq Əmək Təşkilatının (BƏT) ekspertlərinin hazırladıqları məruzədə deyilir.
BƏT qiymətləndirmələri üzrə ümumilikdə 2017-ci ilədək MDB-də oğlanlar arasında işsizliyin səviyyəsi 17,3 faiz, qızlar arasında isə 17,7 faiz təşkil edəcək.
Ermənistanda gənclər arasında işsizliyin səviyyəsi 39,1 faizdir.
Ümumilikdə işsizliklə bağlı məlumatlara gəldikdə, MDB-də bu göstərici 2009-cu ildəki rekord 10,1 faizdən 2012-ci ildə 8,2 faizədək azalıb. Onun 2017-ci ilədək 7,9 faiz təşkil edəcəyi gözlənilir.