...

Ətraf Mühit Təşkilatının rəhbəri: İranda istehsal olunan benzin beynəlxalq standartlara uyğun deyil

Dünya xəbərləri Materials 5 Dekabr 2013 09:51 (UTC +04:00)
İranın Ətraf Mühitin Qorunması və Ekologiya Təşkilatının rəhbəri xanım Məsumə Ebtekar ölkə daxilində istehsal olunan benzinin beynəlxalq standartlara uyğun olmadığını bildirib.
Ətraf Mühit Təşkilatının rəhbəri: İranda istehsal olunan benzin beynəlxalq standartlara uyğun deyil

Trend-i buradan izləyin

Azərbaycan, Bakı, 5 dekabr /Trend, müxbir T.Cəfərov/

İranın Ətraf Mühitin Qorunması və Ekologiya Təşkilatının rəhbəri xanım Məsumə Ebtekar ölkə daxilində istehsal olunan benzinin beynəlxalq standartlara uyğun olmadığını bildirib. Trend-in məlumatına görə, bu barədə İRNA agentliyi xəbər verir.

M.Ebtekar İranın sabiq Prezidenti Mahmud Əhmədinejad hökumətini yanacağın standartlaşdırılması ilə bağlı öz öhdəliklərini lazımi şəkildə yerinə yetirməməkdə ittiham edib: "İstehsal olunan avtomobillərin və yanacağın keyfiyyətinə bir müddət lazımi diqqət yetirilməyib. Hazırda bu məsələlərə ciddi nəzarət olunur".

İranda sutkada 60 milyon litrdən çox benzin istehlak olunur. İran NEZ-ləri sutkada 44,7 milyon litr benzin istehsal edir.

Son vaxtlar İranın paytaxtı Tehran və bir neçə digər əyalətlər, o cümlədən Xuzestan və İsfahanda havanın çirklənməsi böhran həddinə çatıb. Belə ki, ötən gün İran Prezidenti Həsən Ruhani paytaxt Tehranda havanın çirklənməsinin qarşısının alınması üçün xüsusi göstəriş verib.

İran KİV-nin məlumatına görə, Tehranda havanın çirklənməsinə gətirib çıxaran başlıca amil nəqliyyat vasitələridir. Bu şəhərdə əhalinin 40 faizi ictimai nəqliyyatdan istifadə edir. Əhalinin 60 faizi isə öz şəxsi avtomobili ilə gediş-gəliş edir.

Beynəlxalq KİV-in məlumatına görə, Tehran planetin ən çirkli şəhərlərinin siyahısında yer alıb. Havanın çirkli olması ilə əlaqədar bütün idarə, təşkilat və məktəblərdə dəfələrlə tətil olub. Rəsmi məlumatlara görə, hazırda Tehranda 12-13 milyon nəfər yaşayır.

Məqalədə:
Xəbər lenti

Xəbər lenti