Bakı. Trend:
Qırğızıstan hökuməti aprelin 9-dan 7 ölkə vətəndaşları üçün vizasız rejimin tətbiq edilməsi barədə qərar qəbul edib.
Trend-in məlumatına görə, həmin ölkələr Monteneqro, Andorra, Braziliya, San-Marino, Çili, Argentina və Omandır. Həmin ölkələrin vətəndaşları 60 gün vizasız Qırğızıstana getmək imkanı qazanıblar.
Ümumilikdə isə Qırğızıstan hökuməti 52 ölkə vətəndaşları üçün viza rejimini ləğv edib.
Qeyd edək ki, Bolqarıstan, Kipr və Rumıniyanın adları da vizasız ölkələr siyahısına daxil edilsə də, parlamentdə səsvermə zamanı adları siyahıdan çıxarılıb.