Bakı. Rufiz Hafizoğlu - Trend:
Türkiyədə ölkə tarixində ilk dəfə ən genişmiqyaslı hərbi-dəniz təlimləri başlayıb. Trend-in məlumatına görə, bu təlimlər "Denizkurdu-2019" adı altında aparılır.
Təlimlər eyni vaxtda 3 dənizdə keçirilir - Qara, Egey və Aralıq dənizi.
Ümumilikdə bu hərbi-dəniz təlimlərində 131 gəmi, eləcə də 57 təyyarə və 33 helikopter iştirak edir.
Bildirilir ki, "Denizkurdu-2019" mayın 25-dək davam edəcək.