Bakı. Trend:
ABŞ-da yeni növ koronavirusdan ilk ölüm halı qeydə alınıb.
Trend-in məlumatına görə, bu barədə "Associated Press" agentliyi ştatın rəsmilərinə istinadən xəbər verir.
Məlumata əsasən, ölüm halı Vaşinqton ştatında qeydə alınıb.
Xatırladaq ki, ABŞ-da yeni növ koronavirusa 62 nəfər yoluxub.
Qeyd edək ki, Çində yeni növ koronavirusa 79,2 min nəfər yoluxub, onlardan 2835 nəfəri ölüb, 39 mindən çoxu isə sağalıb. Çindən kənarda yoluxma halları 51 ölkədə qeydə alınıb və 4691-ə çatıb, onlardan 67 nəfəri ölüb.