Bakı. Trend:
Dünyada yeni növ koronavirusa yoluxanların sayı iki gün ərzində 100 mindən çox artaraq 500 mini ötüb.
Trend-in TASS-a istinadən verdiyi məlumata görə, hazırda dünyada COVİD-19 virusuna ən az 504 min yoluxma halı qeydə alınıb, onlardan 4,59 faizi (23 132 nəfər) ölümlə nəticələnib.
Koronavirus 150-dən çox ölkəyə yayılıb. Birinci yerdə hələ də pandemiyanın pikinin artıq keçdiyi Çin qalır, ardınca İtaliya, ABŞ, İspaniya, Almaniya, İran və Fransa gəlir.