Bakı. Trend:
ABŞ-ın Korpus-Kristi şəhərində (Texas ştatı) "Magellan Midstream Partners" şirkətinin zavodu ərazisində yerləşən neft anbarında partlayış baş verib.
Trend-in "TASS"a istinadən verdiyi məlumata görə, partlayış nəticəsində zavodun 7 əməkdaşı xəsarət alıb, onlardan 4-nün vəziyyəti ağırdır.
Bildirilir ki, partlayışdan sonra meydana gələn yanğın yanğınsöndürənlər tərəfindən tamamilə söndürülüb.
Partlayışın səbəbi barədə məlumat verilmir.