Bakı. Trend:
Norveçdə keçirilən parlament seçkilərində Yonas Qara Sterenin başçılıq etdiyi İşçi Partiyası qalib gəlib.
Trend-in məlumatına görə, bu barədə səslərin 97 faizinin hesablanması nəticəsində bildirilib.
Norveçin hazırki Baş naziri Erne Solberq ölkəni 8 il idarə edən Mühafizəkarlar Partiyasının məğlubiyyətini etiraf edərək rəqibi qələbə münasibətilə təbrik edib.
Parlamentdəki 169 yerdən 104 -nü 5 müxalifət partiyasının alacağı gözlənilir ki, bunların da 88-ni İşçi Partiyası alacaq.