Bakı. Trend:
Meksikanın Kintana-Roo ştatında reys avtobusunun qəzaya uğraması nəticəsində azı 30 nəfər xəsarət alıb.
Trend-in məlumatına görə, bu barədə "Televisa" televiziya kanalı xəbər verib.
Solidaridad bələdiyyəsinin mülki müdafiə şöbəsinin rəhbəri Sezar Flores Sançes bildirib ki, ilkin məlumatlara görə, 8 nəfər ölüb, 30 nəfər yaralanıb.
Xilasetmə əməliyyatın Kintana-Roo ştatının dörd bələdiyyəsinin fövqəladə hallar xidməti, həmçinin polis və Milli Qvardiyanın əsgərləri iştirak edib.
Ştatın prokurorluğu avtomobil qəzası ilə bağlı araşdırmalara başlayıb.