Bakı. Trend:
Növbəti TEKNOFEST-lərdə Türkiyənin Türk Uçak Sanayi Anonim Ortaklığı (TUSAŞ) tərəfindən yaradılan milli döyüş təyyarəsi KAAN da nümayiş olunacaq.
Trend-in TurkicWorld-ə istinadən məlumatına görə, bu barədə TUSAŞ-ın direktoru Temel Kotil bildirib.
T.Kotil qeyd edib ki, bu ilin sonunda KAAN-ın ilk uçuşunu həyata keçirməsi gözlənilir.
"Sertifikasiya işləri bitmək üzrə olan GÖKBEY helikopteri xidmətə təhvil veriləcək səviyyəyə çatıb. Bundan əlavə, xarici ölkələrlə milyard dollarlıq satış müqavilələrinin imzalanması da planlaşdırılır", - deyə o vurğulayıb.
Qeyd edək ki, Türkiyə Cümhuriyyətinin yaranmasının 100-cü ildönümü münasibətilə sabah paytaxt Ankarada TEKNOFEST keçiriləcək.