Bakı. Trend:
İsrail ordusu Qəzza zolağı üzərində daimi nəzarəti saxlamalı və onu xarici qüvvələrə verməməlidir.
Trend-in məlumatına görə, bu barədə İsral Baş naziri Benyamin Netanyahu deyib.
Məlumata əsasən, sərhəd bölgələrində yerli hakimiyyət baş nazirdən İsrail qüvvələrinin hazırkı hərbi əməliyyatı başa çatdıqdan sonra Qəzza zolağında nə olacağı ilə bağlı aydınlıq tələb edib.
"İsrail Müdafiə Qüvvələri Qəzza zolağı üzərində nəzarəti saxlayacaq, biz onu xarici qüvvələrə təhvil verməyəcəyik", - deyə o qeyd edib.