Bakı. Trend:
Rusiyanın xarici işlər naziri Sergey Lavrov hindistanlı həmkarı Subrahmanyam Cayşankarla Ukrayna və Qəzza zolağındakı vəziyyəti müzakirə edib.
Trend xarici KİV-lərə istinadən xəbər verir ki, bu barədə Hindistanın xarici işlər naziri Subrahmanyam Cayşankar danışıqların yekunları üzrə mətbuat konfransında məlumat verib.
"Biz qlobal strateji vəziyyəti müzakirə etdik, Ukrayna, Qəzza, Hind-Sakit Okean Regionu, Cənub-Şərqi Asiya Dövlətləri Assosiasiyası (ASEAN) və Əfqanıstan barədə danışdıq", - o deyib.
Xatırladaq ki, Rusiyanın xarici işlər naziri Sergey Lavrov hindistanlı həmkarı Subrahmanyam Cayşankarla dekabrın 27-də Moskvada tam formatlı danışıqlar aparıb.
Qeyd edək ki, Subrahmanyam Cayşankar 25-29 dekabr tarixlərində Rusiyada səfərdədir. Səfər çərçivəsində Hindistanın XİN rəhbərinin həmçinin, Rusiya Federasiyası baş nazirinin müavini, sənaye və ticarət naziri Denis Manturovla görüşəcəyi və iqtisadi tərəfdaşlıq məsələlərini həll edəcəyi gözlənilir.